Historia ya Maisha ya Kitaaluma na Kiutafiti ya Mgunduzi na Mtafiti (Mgufiti) John Vincent Mattaka. Mattaka ni mtafiti binafsi na wa kujitegemea wa njia mbadala, rahisi na bunifu za kujifunzia na kufundishia masomo mama: Hesabu/Hisabati, Kiingereza na Kiswahili. Bwana John V. Mattaka ni Mgunduzi wa Mfumo Mpya wa Tarakimu za Mguu-Ngazi Kofiani, yaani kwa Kiingereza: "Afro-Foot Level-Capped Digits System(Afro-FLCDs)". Tarakimu za Afro-FLCDs zinaleta tija ya kipekee katika kujifunza Hisabati K kivizio, kuanzia kizio cha mbili na kuendelea bila kikomo. Uelewa wa kivizio wa kujifunza hesabu na hisabati kidijitali unatarajiwa kuongeza kueleweka kwa somo la hisabati ili kuleta matokeo chanya kitaaluma, na matumizi ya mashine za ukokotoaji hususan katika tasnia za uhandisi wa kieletroniki na kompyuta.

Mifano niliyoitoa inakufahimisha baadhi za Mbinu Mbadala za Kujumlisha na Kutoa kwa uhusiano wa tarakimu Jumla Kumi, yaani wa 1 na 9, 2 na 8, 3 na 7, 4 na 6, 5 na 5, 0 na 10 yenyeyewe. Ni uelewa unaomwezesha ajifunzaye au afundishaye kujenga mbawa za kifikra zitakazomweshesha kuruka na kufanya hesabu na hisabati kwa vizio vingine vidogo na vikubwa zaidi ya kumi bila ukomo, yaani kuanzia kizio cha mbili na kuendelea, kwa kutumia tarakimu mpya za Mguu-Ngazi Kofiani(Afro-FLCDs) hususan kuanzia kizio cha 11 na kuendelea.